Archive for the ‘KADA2 TOMINA TORAYA’ Category


MA’PARAPA’
Koe teto limbongmo lante rante-rante kalua’ te totasikmo lante tandung kalonaran, tapatananrampanni talinga duanta tapalidan maya-mayai pili’ pa’perangnginta. Koe.. Denki’ mani’ tominda-mina tomatumbaya sangana la ullutu tombangngi te ada’na rampe matampu’ la ussebong pullanni alukna kabotoan kulla’, anna tangmanda’mo dipobatang dikollong tangbintin dipokulambu taruno, koe tauee anna dako’pa na dako’ nadipasilaga tu tedong nadi pasipaningo tu tanduk tuo lulanggngan anna denki’ mani salembe’ kalungkung tedong natodo tanduk tuo lulangngan anta bawai ma’panga-sanga lako temai to umpa’tekdek tombi sara’tu’ to umpatunannang telo-telo rante. oeee salian rinding ya temai ampuna sara’ tipataleko’na manangnya temai to umpagau’ aluk.
oeee taperangi tasilele pe kayo.yooo